環境及食物精緻中菜：Hexa六公館

 同老公仔拍拖食dinner, 今次去海港城就去試吓出名景靚嘅Hexa六公館。

我哋叫咗：

沙姜蔥爆鱈魚腩

魚腩切成正方小份，淡淡魚肉，每一粒都有脆身的外表，咬入去滲出鮮甜魚汁，沙姜蔥爆得好香口，結合埋魚的魚油香。整個好味的感覺在口中漫延。

松茸海膽飯

海膽好creamy！是鮮甜的海膽。配合松茸香，不得了的組合。飯的口感像意大利飯，而飯有微微的薑味，微微薑味中和飯的腻感，非常合襯。

廚師推介：藍莓紅菜頭焗羊鞍

見到菜色好奇羊鞍用藍莓紅菜頭焗會係點嘅味。

平時食開嘅羊鞍都比較濃味，通常都係香草焗。今次食呢個咁清新嘅藍莓紅菜頭又幾有驚喜！staff 先幫我哋切好羊鞍，紅菜頭汁的賣相好衝擊，好似爆汁咁。羊鞍食落腍軟，羊肉一啲都唔騷，但有羊肉味，襯藍莓紅菜頭感覺清新。

我哋伴茶係揀咗：荔枝烏龍

清膩又留香～

慢慢品嚐精緻菜式，望吓靚景談談心，愉快的一晚。