海豚愛美生活誌: 3月 2018

2018年3月22日星期四

2018年3月19日星期一

餵奶輔助好幫手：「 5合1智能奶瓶消毒器」+「暖奶器」

照顧初生嬰兒，每日都要不斷餵奶，之前分享過海豚BB鐘意用 Brillante的奶樽，今次想分享它其他輔助工具~ 包括「 5合1智能奶瓶消毒器」及「暖奶器」。
海豚BB大約每4個小時餵奶一次，如果不埋身餵人奶，一日大概需要6個奶樽~~ 未計泵奶的工具，單單要清潔、消毒、烘乾這6個奶樽，就已經要好多時間和精力。
所以一部多功能的消毒器，可以幫上一個大忙！ Brillante 5合1智能奶瓶消毒器：

日本海洋能量護膚保濕+美白

我覺得日本製的護膚品，一向品質都適合亞洲人用，香港的天氣都好適合。
今次試用：使用日本四國高知縣室戶市海洋深層水的品牌護膚品Re:sea，日本銀座總店並已於2 月 28 日隆重開張！
Re:sea

開箱靚款實用慳位【紫外線UV消毒烘乾機】殺菌99.9%+消毒+烘乾

照顧初生嬰兒超級忙，
想留返多些時間給自己，
就要有好用的工具配合！
自從海豚BB出世我就好明白這個道理！
BB身體較大人敏感，就每日清潔消毒就已經用上好多時間。
所以，我一直在找一部集殺菌99.9%+消毒+烘乾功能的機器~
而剛巧，有公關朋友送來一部「Haenim喜臨紫外線UV消毒烘乾機」！
鐘意家居佈置的我，對家品的要求好講求外觀+實用性。
這部UV消毒烘乾機就完全符合我的要求！
首先，要消毒，所以容量一定不能小，
這部至機可同時容納16個奶樽，
亦可放到一家3口，一次煮食的用具。
雖說不能小，但也不能過大，香港地貴，所以要好好運用地方。
這個長方形收納剛剛好！

2018年3月13日星期二

爸媽BB都喜歡的【Brillante 矽膠奶樽】

作為新手媽媽，
由第一日帶海豚BB返屋企已經係一個挑戰，
今日講餵奶用的奶樽。
在法國醫院開刀後可以落床第二日，
我就開始嘗試在餵奶時間用人奶餵海豚BB，
等佢可以刺激乳頭上奶。
一開始未上奶都只是學習純給BB啜，然後補奶粉，
後來回家後繼續每餐努力給BB啜，第五天就開始上奶了。

由於開頭奶量不多，
所以我有埋身餵奶，
亦有泵奶及補奶粉，
家中有幾款奶樽，
餵BB食奶時，奶樽的設計原來真的十分重要！

2018年3月7日星期三

法國醫院剖腹開刀生B記（過程+收費+感想）2018

生之前睇過唔少生仔嘅文章，

今次終於到我分享～十個月真係太快過啦～

我選擇喺法國醫院早上開刀。

流程如下：

晚上8pm 入院登記

填資料：

- 選奶粉（我選了美贊臣）

- 選病房類型（因為香港人六人房巳滿，最後選了三人房，每天多大約$70）後來發現三人房較安靜，之後休息會更舒服，又不用跟太多人共用洗手間～

填資料後，老公去交錢辦手續，

我就留低做檢查及為手術做準備：

量體溫、磅重、驗尿、聽胎心跳、量血壓、脫bikini line 毛毛

然後就有職員帶我入房

房間是這樣的：

我的是窗口位（感覺多了窗口的空間，
會多啲地方擺嘢，空間感亦較大，
不過缺點係離廁所最遠，開刀後第一次行去廁所...
由於我嘅傷口過咗麻醉之後好痛，有啲難受...）

洗手間：

有櫃桶三層放個人物品，最下面櫃桶內有夾萬，自己set密碼。

醫院送的入院包：

有燈：

電腦～

可以睇電視、叫餐服務、叉電都係用電腦USB的~
叫餐的收費在門外有收費表，另外，電腦內也可看到。

病房內有wifi～不會悶。
下圖這個儀器可以搖控燈、床，人仔是聯絡外面的姑娘：

早上在手術前30分鐘，
就要換好衫，預備入手術室。

手術過程：

躺在床上，姑娘會推車床到二樓（呢個時候正常都會開始緊張），
老公此時著消毒袍準備一陣入手術室陪產。

將手術室前，麻醉師會來見面並講解一陣麻醉的過程。
姑娘會不時核對資料，問我叫咩名。

接下來入手術室，量血壓，打點滴，消毒，打側身打麻醉針，插尿喉。

封布令你看不到前面，此時老公可以進來了。

由於打左麻醉，下體在做手術是只有拉扯的感覺。
因為有老公喺度傾計，感覺冇咁緊張，
而醫生的說話亦有令我哋放心，
佢會話：「你地好似平時傾計就得啦～」、
「依家會有啲拉扯感覺唔使驚㗎」、
「個開口好靚呀，記得之後唔好食花膠嗰啲住」

基本上大約10分鐘左右BB就出嚟啦～

聽到佢哇哇大哭，我哋就鬆咗一口氣。

姑娘帶BB去清潔，然後就俾我哋見面影相。

法國醫院會有人幫手影相，之後會俾返隻CD爸媽。

另外會有一份BB相、腳印的記念冊送給爸媽。

早上開刀中午我就收到了。

由於剖腹生產的媽媽不能當天下床看寶寶，

醫院會在晚上九點推BB來見媽媽～！

法國醫院生仔感想與「手術後感覺」：

我覺得呢度生好好，之前好驚，但醫生、麻醉師手勢好好，點滳個feel似抽血, 麻醉針感覺有D野吉入去3下咁，最後一下感覺大D，但都唔係痛。反而最痛係手術麻醉過後第一次落床嘅時候.....整個手術大約一個鐘左右，就可以推床返去自己嘅病房。
老公就有時間在手術家外與BB合照：

這時，我仲有麻醉藥覺得個人輕飄飄，high high地咁，

我可能太興奮睡不著，仲有精神玩拼圖更新FB專頁XD：

大約四小時後

feel到腹部熱，腳趾腳掌可以活動了。

大約五小時，姑娘來幫忙清洗下體，發現雙腳已可活動，腹有好微m 痛感。

晚上塞肛門止痛藥，粥水後口服止痛藥。

到晚上才睡得著，好熱出好多汗，大約一至二小時醒一次。

早上一樣塞肛門止痛藥，粥水後口服止痛藥。

第二日中午就要試自己落床去洗手間，
此時傷口會痛亦可能會頭暈，
所以一定要有人陪同才可以自己下床。
我等家人和老公來才試，下床後走路發現真的很痛，
腹部與下體之間有一種被火燒及刀割的感覺，
每移動一步都痛到流眼淚。
不過忍受痛楚慢慢行，去完洗手間。
第二轉再行就會冇咁痛。
我覺得有多痛是體質的問題，
因為我見隔離床的媽媽不會痛，
我也有朋友是開刀的，她也只覺得頭暈沒有痛.....

另外第二晚肚子有M痛的感覺，應該是子宮收縮。
所以睡得不太好，如果覺得很痛、不舒服可以叫姑娘額外給止痛藥的。

第二日我行到後就開始去餵奶，會有姑娘指導點樣餵人奶及抱BB。

餵奶時間如下：