Swisse孕婦多元維他命~ 孕媽媽最佳搭檔

首圖的是： Swisse孕婦多元維他命~ 孕媽媽最佳搭檔

留臍帶血的迷思~

2018年2月14日，海豚BB出了！
在懷孕時，我也有拍片分享過留臍帶血~
(https://www.facebook.com/dolphin.bluesky/videos/1679383972097778/)
最終，我選擇了「首兩年免費」的 CRYOLIFE。

法國醫院剖腹開刀生B記（過程+收費+感想）2018

生之前睇過唔少生仔嘅文章，

今次終於到我分享～十個月真係太快過啦～

我選擇喺法國醫院早上開刀。

流程如下：

晚上8pm 入院登記

填資料：

- 選奶粉（我選了美贊臣）

- 選病房類型（因為香港人六人房巳滿，最後選了三人房，每天多大約$70）後來發現三人房較安靜，之後休息會更舒服，又不用跟太多人共用洗手間～

填資料後，老公去交錢辦手續，

我就留低做檢查及為手術做準備：

量體溫、磅重、驗尿、聽胎心跳、量血壓、脫bikini line 毛毛

然後就有職員帶我入房

房間是這樣的：


我的是窗口位（感覺多了窗口的空間，
會多啲地方擺嘢，空間感亦較大，
不過缺點係離廁所最遠，開刀後第一次行去廁所...
由於我嘅傷口過咗麻醉之後好痛，有啲難受...）

洗手間：

有櫃桶三層放個人物品，最下面櫃桶內有夾萬，自己set密碼。

醫院送的入院包：

有燈：

電腦～

可以睇電視、叫餐服務、叉電都係用電腦USB的~
叫餐的收費在門外有收費表，另外，電腦內也可看到。

病房內有wifi～不會悶。
下圖這個儀器可以搖控燈、床，人仔是聯絡外面的姑娘：

早上在手術前30分鐘，
就要換好衫，預備入手術室。

手術過程：

躺在床上，姑娘會推車床到二樓（呢個時候正常都會開始緊張），
老公此時著消毒袍準備一陣入手術室陪產。

將手術室前，麻醉師會來見面並講解一陣麻醉的過程。
姑娘會不時核對資料，問我叫咩名。

接下來入手術室，量血壓，打點滴，消毒，打側身打麻醉針，插尿喉。

封布令你看不到前面，此時老公可以進來了。

由於打左麻醉，下體在做手術是只有拉扯的感覺。
因為有老公喺度傾計，感覺冇咁緊張，
而醫生的說話亦有令我哋放心，
佢會話：「你地好似平時傾計就得啦～」、
「依家會有啲拉扯感覺唔使驚㗎」、
「個開口好靚呀，記得之後唔好食花膠嗰啲住」

基本上大約10分鐘左右BB就出嚟啦～

聽到佢哇哇大哭，我哋就鬆咗一口氣。

姑娘帶BB去清潔，然後就俾我哋見面影相。

法國醫院會有人幫手影相，之後會俾返隻CD爸媽。

另外會有一份BB相、腳印的記念冊送給爸媽。

早上開刀中午我就收到了。

由於剖腹生產的媽媽不能當天下床看寶寶，

醫院會在晚上九點推BB來見媽媽～！

法國醫院生仔感想與「手術後感覺」：

我覺得呢度生好好，之前好驚，但醫生、麻醉師手勢好好，點滳個feel似抽血, 麻醉針感覺有D野吉入去3下咁，最後一下感覺大D，但都唔係痛。反而最痛係手術麻醉過後第一次落床嘅時候.....整個手術大約一個鐘左右，就可以推床返去自己嘅病房。
老公就有時間在手術家外與BB合照：

這時，我仲有麻醉藥覺得個人輕飄飄，high high地咁，

我可能太興奮睡不著，仲有精神玩拼圖更新FB專頁XD：

大約四小時後

feel到腹部熱，腳趾腳掌可以活動了。

大約五小時，姑娘來幫忙清洗下體，發現雙腳已可活動，腹有好微m 痛感。

晚上塞肛門止痛藥，粥水後口服止痛藥。

到晚上才睡得著，好熱出好多汗，大約一至二小時醒一次。

早上一樣塞肛門止痛藥，粥水後口服止痛藥。

第二日中午就要試自己落床去洗手間，
此時傷口會痛亦可能會頭暈，
所以一定要有人陪同才可以自己下床。
我等家人和老公來才試，下床後走路發現真的很痛，
腹部與下體之間有一種被火燒及刀割的感覺，
每移動一步都痛到流眼淚。
不過忍受痛楚慢慢行，去完洗手間。
第二轉再行就會冇咁痛。
我覺得有多痛是體質的問題，
因為我見隔離床的媽媽不會痛，
我也有朋友是開刀的，她也只覺得頭暈沒有痛.....

另外第二晚肚子有M痛的感覺，應該是子宮收縮。
所以睡得不太好，如果覺得很痛、不舒服可以叫姑娘額外給止痛藥的。

第二日我行到後就開始去餵奶，會有姑娘指導點樣餵人奶及抱BB。

餵奶時間如下：

第五日我巳開始上奶，有黃金初乳，真的是黃金色的！
大約有30-40ml奶。
各位開刀媽不用擔心上奶問題，只要落床後給BB啜乳頭，
多休息，過幾日就有奶了！

法國醫院家人朋友探B時間：

最後埋單四日三夜，收據這樣，收費如下：

加埋之前的6千按金，總數：五萬七千～

現在海豚BB已回家，

沒請陪月的我們第一天真的手忙腳亂。
換衫、沖涼、餵奶全都是挑戰~~

大家也來一起交流新手爸媽的湊B樂吧！

DolphinB的Facebook：https://www.facebook.com/dolphin.bluesky/

海豚BB沖涼準備： https://youtu.be/ZNN5w3GFGaU

關於海豚愛美生活日誌：

喜歡海豚的DolphinB，細個好鐘意畫公仔，上堂時會畫恐龍仔代表男朋友，至今已與"為食龍DC仔"由中學相戀，結婚，到現在懷有海豚寶寶。

我以每人都「值得擁有」夢想的幸福生活態度而前進。喜歡分享生活、家品佈置、畫畫、扮靚心得～曾是一位幼稚園老師、網絡平台編輯及公關，髮型用品代言人、現職Freelance digital marketer。


(網誌靚相由老公為食龍DC仔或DolphinB 拍攝~~~)

DolphinB的email：cloudy_bluesky@yahoo.com.hk

instagram：DOLPHINBLUESKY

DolphinB Youtube

You can also find me in:

【Blogspot】【WeShare】【Ztyle】【BE】【BeautyLife】

【Baby Kingdom】【MamiBuy】【ELLE】【She.com】
【EsdLife】【cosmopolitan】【Ulifestyle】

一起交流新手爸媽的湊B樂吧！

DolphinB的Facebook：https://www.facebook.com/dolphin.bluesky/

慳錢留念【自己影專業孕照不求人】心得分享

首圖的孕照是我同老公自己影架~好有滿足感！
懷孕是一個奇妙的旅程，
經常有人説懷孕的女人最美。
的確懷孕中的女人有另一番美態，
雖然伴隨懷孕的影響我們會發胖、水腫...
但這都是值得記錄的過程，
看似漫長，但其實十個月一轉眼就過。
我最不捨得就是海豚BB在肚中活動的感覺。
每㳄轉動、打C egg、揮動手腳，都覺得特別可愛。

要記錄懷孕的過程，現今科技比以往實在容易得多。
除了日常用手機拍攝，
如果家中有一部數碼相機更好。
老公幫手影就更好！
如果自資去影樓拍孕照也是一個好選擇，
可以揀喜歡的風格～
只是價錢上也並不便宜，出名的孕照公司與影一輯婚照價錢差不多呢。
好多時當媽了就會計算很多XD
一些孕照公司，價錢不高，但除了場地外，
論拍攝質素，認真與自己影的差不多。
但自己影一定可以更自然及有記念價值。

以下是自己拍出喜歡孕照所需工具：

【孕媽+敏感肌適用】ATOCLASSIC 韓方醫學天然護膚

又介紹一款孕媽及敏感肌都適合嘅護膚品牌：ATOCLASSIC 它始創於1912年的又甫韓醫院，現今擁有100多年的治療經驗及臨床研究，推出正統韓方的護膚品。產品排除化學成分，從小孩到產婦男女老少所有皮膚都可以安心使用。這套系列用起上來好舒服，氣味全是清新的中藥及草本味，產品質地亦十分溫和好吸收。

孕期淘寶購物【中伏+好物】大公開(有片有link) 大肚去街衫、睡衣、內衣

懷孕8個月了~分享一下在孕期淘寶及外出購物的成果~
當中有好物，亦有些算是小中伏
主要分為去街衫、睡衣、內衣等。
購買的 Target 是可以穿一整個孕期及生完BB後都可以穿一段時間！
超長的影片請看這：https://youtu.be/vdlJahyV1eg

去街衫：
去街衫~~我主要買「外出哺乳衣」(即有餵奶口的)，
當然要靚款，不去淘寶看看，也不知道原來哺乳衣現在這麼美和時尚。
由於我目標是孕期都可以穿，所以都是肚仔位較鬆身的款式。

【雀巢®NESTLÉ® MOM 鎖養膠囊】一粒補充我孕期營養~

有咗BB之後，特別留意自己食什麼，因為我食什麼，BB就會吸收什麼。
我算好彩，孕期都無嘔嘅問題，不過就經常肚餓。
唔知係咪有咗BB胃口改變，我竟然鐘意食濃味的食物~
例如：薯條、薯片、可樂
依一啲食物我未懷孕前都唔鐘意食架.....
記得有一晚真係好想好想食薯條，晚餐就只食咗兩包薯條+清水。
食完之後滿足咗食慾...但就有種好內疚嘅感覺。
第二日即刻平衡返食雜菜+雞蛋。
講真，我絕對做唔到每餐都均勻飲食，
所以搵supplement補充孕期嘅維他命真係好重要！

Relax孕婦按摩~【Elemis Peaceful Pregnancy Massage】妊娠紋OUT！

懷孕就快7個月啦，到孕中期肚仔開始越來越重及變大，除左腰的負擔多了，有時行得多會腰痛，亦開始留意會否長妊娠紋。因為妊娠紋通常會在懷孕中期開始出現，在懷孕早期其實就要開始預防。我都有用潤膚乳及防妊娠紋的油每天洗澡後按摩肚仔，So far現在還沒有防妊娠紋出現~



上星期，我去了銅鑼灣的10/10 SPACE體驗Elemis Peaceful Pregnancy Massage~一來可以Relax，紓緩腰痛，還可以預防妊娠紋。這個Massage用的產品是：Elemis，它是英國頂級抗老水療品牌，我以前都試過Elemis的產品，也有寫過文章推介，的確很不錯，而它們的皇牌：日本茶花潤膚油(Japanese Camellia Body Oil Blend) 更是長期連香港代理都賣斷貨的產品，是徐子淇及碧咸老婆的愛用物，因為它可以增強皮膚膠原, 幫助孕媽媽減少妊娠紋！

孕期【飲】乜好？分享五大愛飲品及製法

記得懷孕頭3個月，成日好想食嘢，
但係孕婦好多飲食禁忌。加上想食嘢，但腸胃消化同以前唔太相同，
但係又要有足夠營養俾啊B~~
有時諗今日食乜飲乜都好苦惱。
就飲品為例，以前成日飲嘅：
紅茶、咖啡 X (咖啡因影響BB發育)
綠茶 X (太寒涼)
汽水 X (高糖、色素、冰寒涼、有咖啡因)
紙包飲品 X (高糖、色素)
果汁 ? (以為無問題，但消委會測試...好多標榜低糖高纖果汁實際不是如此，甚至有色素和防腐劑。而且水果質素和製作儀器衛生也令人擔心)
好了，數了這麼多不建議飲的，那有什麼可以飲？？
其實飲果汁無問題，只係自己製作知道來源就可以安心飲。
另外，過左3個月，紅茶、咖啡等飲品只要咖啡因含量不超標無問題。
英國食物標準局建議孕婦限制咖啡因的攝取量每日不超過200毫克：

"懷孕"秋冬著咩【鞋】好？WALKER SHOP 啡色中靴穿搭~

懷孕秋冬著咩鞋好？
我認為方便襯衫又可以遮肥腫腳，著 Boot是不錯的選擇~
為了適應之後孕後期腳或許會浮腫，
所以我是有預大了一個碼的，可以加厚襪子穿。

成立於1993年的WALKER SHOP，以時尚的鞋款設計及採用精緻的皮料為宗旨，
旗下：Artemis, Forleria, Couber. G, Tru Nari, Walaci and Acupuncture...
今年秋冬 WALKER SHOP 多個品牌又推出了不少靚鞋~
像 COUBER.G 這對：
啡色綴金屬扣中靴 ($2099)



皮質一看就知道是靚皮，十分柔軟，光澤感適中。
綴金屬扣設計令款式不會悶，
不花巧所以方便襯衫！

夫妻相處【那些年的回憶】與老公相戀十六年~~

我好細個就鐘意畫公仔，
在中五認識老公時，我會畫恐龍仔代表他，女仔代表自己。
我們坐在旁邊，所以上課時我常在我們的課本上畫公仔XD
隨意翻閱課本、工作紙、書籍的內頁，就會見到我的大作：





拍拖時，我還會寫日記，在日記畫公仔記錄我們的回憶：



睇返真係好搞笑。
唔知第日個囡睇時會唔會覺得我地好低能XD



至今一起十六年，
與"為食龍DC仔"由中學相戀，結婚，到現在懷有海豚寶寶。
我們到現在還是像初戀的恩愛。
好多人問點解可以對住一個人這麼多年？



的確，在熱戀時對方永遠是最好的。
當熱戀過後，每一個人都是獨立的個體，有自己的想法和性格，
自然會出現好多予盾。
我與為食龍一樣會吵架，也會有對對方不滿的時候。
不過，我們總是針對事件，而不是針對人來吵架。
我們從來不會因為吵架而要分手，
相反，每次吵架後，因為更了解對方，我們的感情會更好。



愛一個人，不是要改變對方，而是要接納及包容對方。
就如你愛一朵玫瑰，經常被它的刺弄痛，
你不是要拔掉玫瑰的刺，而是要想方法避開這些刺。
不要去抱怨你的另一半，難道你認為只有你避開這些刺，他沒有避開你的嗎？
世上沒有人是完美的~~~~~
體諒、尊重、欣賞，最重要是互相付出的愛，就是我認為夫妻最重要的相處之道。





未來，家中將會多了一位新成員，
甜蜜同時是一個大挑戰，
但我相信，只要有愛~重重難關都會過...
我會繼續記錄我們這一家幸福的時光。

關於海豚愛美生活日誌：

喜歡海豚的DolphinB，細個好鐘意畫公仔，上堂時會畫恐龍仔代表男朋友，至今已與"為食龍DC仔"由中學相戀，結婚，到現在懷有海豚寶寶。

我以每人都「值得擁有」夢想的幸福生活態度而前進。喜歡分享生活、家品佈置、畫畫、扮靚心得～曾是一位幼稚園老師、網絡平台編輯及公關，髮型用品代言人、現職Freelance digital marketer。


(網誌靚相由老公為食龍DC仔或DolphinB 拍攝~~~)

DolphinB的email：cloudy_bluesky@yahoo.com.hk

我的instagram是DOLPHINBLUESKY

You can also find me in:

【Blogspot】【WeShare】【Ztyle】【BE】【BeautyLife】

【Baby Kingdom】【MamiBuy】【ELLE】【She.com】
【EsdLife】【cosmopolitan】【Ulifestyle】

DolphinB的Facebook：

DolphinB

孕味濃造型 (老公一樣Like) 懷孕5個月了！

懷孕快六個月，肚子越來越大。
如果你見到我右邊個「孕味濃」 Look唔好奇怪XD，
雖然 Blog/ FB/ IG 去event影嘅相都仲係有打扮，
但係平時我出街都係呢個樣。
因為貪靚，其實我唔係好想有人認得我個 Hea樣，
亦覺得好驚有人因為咁而唔鐘意自己
(應該係諗多左，因為事實唔係好多人留意你)

『現實係無論老婆變成點嘅樣，老公都係一樣咁愛佢同BB。』

懷孕令女人身體同心靈都有巨大轉變~
老公嘅支持同愛䕶實在好重要！！
喺度我要多謝一直陪著我嘅老公~~~~❤

《懷孕一定要剪頭髮？》我的【新髮型】新生活

話咁快，有咗海豚BB已經5個月～
肚仔開始feel 到有微微脹大，
為咗之後較易打理，唔想太多時間吹頭髮XD
另一方面都有小小私心想試下新髮型。
對上一次短髮已經是十幾年前的事，
不過那時我剪完之後，覺得自己好醜樣傷心左好耐嘅........

【短髮VS長髪】
短髮派：
有朋友告訴我，頭髮會和肚子裏的寶寶爭營養～
而且易打理，特別之後坐月餵奶也較方便，所以剪短好～
長髮派：
不過也有朋友告訴我，冇根據頭髮會和肚子裏的寶寶爭營養，
坐月時短髮餵奶更麻煩，因為扎不到頭髮，頭髮痴住頸唔舒服。

【我的結論】：
孕期時剪短頭髮方便打理，
特別是好攰會頂著大肚子不想吹頭這麼久。
這是我現在的狀況～
之後臨生B時，方便坐月餵奶就要看頭髮長度，
不長不短扎不到最好再剪一次，
如果長度可以札起就可不剪，
自行決定之後是否想留長髮啦。