2017年6月2日 星期五

西貢【通記】生猛海鮮宴



同好朋友行下街食下野係每個月必做嘅事,
今次約埋去西貢,當然要食「海鮮」!




今日試下有兩間分店嘅~通記。



首先出場嘅係我們的最愛:
龍蝦刺身拼盤
好少食生的龍蝦,
怕唔新鮮就會唔好食~今次呢個龍蝦絕對生鮮!
點解?因為佢仲識得郁~~
我指上面切開了的頭,牠的觸角仲好生猛,向上向下郁。有D驚….
不過新鮮的龍蝦刺身實在好爽口和鮮甜,讚!
接著,飲個熱飲



螺頭粉葛煲豬展(爵士湯)
足料好味~食完剌身暖暖胃很不錯。
之後就是期待的各種海鮮:
芝士焗龍蝦伊面底:



龍蝦有膏,yummy~岩曬我龍蝦控~
芝士伊面好香濃,不過唔敢食太多,
怕之後飽左食唔到其他海鮮。


蒜茸粉絲蒸元貝:



粉絲沾上鼓油加埋新鮮元貝好好味,
不過鼓油就在碟底,要自己再用匙盛給粉絲,
有點手忙腳亂XD。




花雕蛋白蒸蟹:



第一次食呢個組合,估唔到又幾得意。
花雕香加上滑嫩蛋白,蟹的鮮味都滲出來。




椒鹽賴尿蝦:





第一次食到咁好味的賴尿蝦,
椒鹽香口,賴尿蝦仲要有好多膏,忍唔住食左好幾隻!

鼓油王大蝦:



超大隻!肉質彈牙鮮美。回味回味。



清蒸海上鮮:



魚蒸得剛剛好,好滑嫩。

黃金鮑魚:

期待巳久~咸蛋包住炸左的鮑魚,
咸咸戚地又有點甜味,內裡的鮑魚好彈牙,
挺特別的!推介試試!



西貢時菜時炒:



食咁多野都要有菜清一清個胃。
海鮮炒飯:
唔夠飽可以食呢個海鮮炒飯~
但本人巳經飽左XD
最後是精美果盤及芒果布甸



果盤是西瓜~甜~
芒果布甸好重椰子味,就算不加花奶都巳經好夠味。



整體好滿~~~~足~~~~!
下次再來西貢要encore!



DolphinB的email:cloudy_bluesky@yahoo.com.hk
DolphinB的Facebook:





沒有留言:

張貼留言