將軍澳特色海景黎巴嫩餐廳 Maison Beirut

最近去咗一間一直想試嘅黎巴嫩餐廳 Maison Beirut，真心有驚喜🌿一坐低就聞到陣陣香料味，加埋窗外將軍澳嘅海景，成個人即刻relax 晒～🌊✨

一開始係暖笠笠嘅 蘑菇湯 🍄

口感好滑，香而唔膩，飲落去好舒服，仲有啲特別嘅香料味，開胃嘅第一步～

之後嘅 冷盤雜錦拼盤 擺盤同味蕾都精彩🤍

有松子鷹嘴豆泥、蒜香乳酪、中東茄子醬，每一款味道都好有層次，用嚟配餅食一流～

食得出全部都係新鮮材料，清新得嚟又好有個性🌿

水牛芝士法圖沙律 🥗

蕃茄加檸檬同橄欖油，好清爽，芝士夠creamy但唔會搶味，夏天食特別啱～

主菜部分都好有水準🔥

炭烤 澳洲和牛肉眼 外層香、入面夠嫩，簡單調味已經好好食

而 是日精選鮮魚 就偏清新路線，肉質細嫩，完全唔油膩～

甜品係 廚師精選＋奶油米布丁 🍮

米布丁奶香好柔和，甜度剛剛好，食完唔會有負擔感，perfect ending 🤍

飲品揀咗咖啡同檸茶☕🍋，都係走清新路線，配成餐好平衡～

💜 Maison Beirut 由一班好有熱情嘅黎巴嫩團隊經營，主廚仲有超過 40 年經驗，用正宗黎巴嫩香料同高品質橄欖油去煮，食得出佢哋對食物嘅尊重同用心。

黎巴嫩菜本身就多豆類、蔬菜同炭烤肉類，健康得嚟又夠味，完全顛覆我以前嘅印象✨

🌙 聽講逢星期五、六晚仲有肚皮舞表演💃

音樂＋舞蹈＋食物，氣氛直接拉去中東～下次一定要夜晚再嚟一次！

想搵一間可以慢慢食、慢慢chill，又有異國風情嘅餐廳，Maison Beirut 真係值得bookmark 🤍