抵食海鮮：【二人宴龍蟹餐】

最近覺得呢個套餐真係好抵食！

二人宴龍蟹餐，原價$1128， 現在超值價$598， 食齊龍蝦同埋蟹，成個套餐都好豐富！

陳醋木耳

大大碟嘅前菜，酸甜爽口 ， 開左個胃先！

波士頓龍蝦一隻

第一次食椒鹽龍蝦，平時都係食芝士或者上湯烹調嘅多。
原來椒鹽唔會因為香濃嘅味道蓋過龍蝦嘅鮮味，
相反鮮味更加突出！
而每一啖又有香辣口感，食咗一次愛上。

龍蝦仲要啖啖肉，食得好滿足！

喜記正宗避風塘炒辣蟹一隻

避風塘炒蟹非常惹味，

香香辣辣加上鮮美蟹肉，

忍唔住一口接一口 

杬角骨一份

排骨用上甜甜的杬角醬汁包滿，肉有嚼勁，感覺甜甜煙煙銀銀又有肉味。

野菌泡田園蔬菜一份

菜心和雜菌 吸收了上湯精華，
食完之前咁多肉，呢個感覺好清新，
而且蒜香味好香，我一向都鍾意食蔬菜
，呢一款我瞬間食晒。

櫻花蝦炒飯 一份

櫻花蝦增加炒飯鮮味，加上叉燒蛋、菜粒等，抄到夠曬鑊氣！

番薯糖水

小小姜辣，甜度剛剛好，整餐的完美的句號！