又到聖誕，又到聖誕，今年冇得去旅行去邊度玩好呢？不如試吓 #韓式聖誕大餐 有得着 #韓服，仲有 #玩樂小天地 好啱一家大細去玩！
聖誕大餐：名品豬扒Wee嘩聖誕夜套餐
先上滿枱前菜，睇見都好開胃。
燒肉方面：名品大王豬扒，入味又有咬口。
仲有兩隻大蝦、牛五花、牛肩肉、醬油豬五花、雞頸肉。全部都好好味，只係略嫌份量比較少，唔夠我哋食。
接下來，不能錯過可愛打卡美食：
窩心摩天輪 每一格都有一款食物：薯條、炸餃子、魚糕串、紫菜包飯、炸雞翼。
聖誕老人飯：
好可愛嘅飯，塊面係肉鬆飯，白色鬍子下面係腸仔，伴碟有西蘭花同蕃茄仔，均衡飲食。
蝸牛紫菜包飯 ：
由火腿、蛋、芝士、沙律菜包成可愛嘅蝸牛樣子，小朋友最愛
甜品：夾心棉花糖配威化餅
（燒溶咗棉花糖再夾入威化餅好正啊）
飲品都可以試吓 #聖誕特飲，
濟州的聖誕禮物梳打：即係柚子蜜柑梳打，清新解渴，襯燒肉食啱晒
聖誕老人沙冰：即係紅豆冰沙冰～
#韓服體驗：
大人小朋友都可以揀衫，好似去咗韓國旅行，就當去咗轉旅行啦。最梗要係同好朋友和家人喺一齊。
玩樂小天地
小朋友最愛，一入來已經話好想玩，大人食嘢，分時間輪流入去玩，大人小朋友都開心。滑梯、雪糕車、圖書區、化妝區、廚房、Supermarket、小帳篷，種類都算多嘢玩。
想過一個韓式聖誕可以考慮一下：炑八韓烤親子餐廳
沒有留言:
張貼留言