聖誕節的甜蜜下午茶

 聖誕節想試平靚正又飽肚嘅下午茶？不妨嚟呢度！

🎉 甜蜜派對下午茶套餐/$268 (兩位用)

兩杯飲品中，一杯是帶微醺感的酒精飲品，啱晒爸爸，而另一杯是清新椰子味，就適合小飲嘅我！❤️

✨必試推介：

🦌 朱古力心太軟小鹿：濃郁流心朱古力，切開一刻超療癒！

🍤 炸蝦炸雞：外脆內嫩，炸得剛剛好，香口又惹味～

🥓 煙肉包腸仔串：配青提子、車厘茄，味道多層次。

🥧 吞拿魚撻：撻皮鬆化，沙律醬味道平衡。

套餐份量大，一家人食得好飽，因為今次一家三口一齊去，我們還點多了一份：

🎄 雪國奇緣甜品套裝/$168

士多啤梨+香蕉造型的聖誕老人超可愛！搭配雜莓、楓糖漿、香脆Waffle和鬆軟Pancake，連雪國特飲的薄荷朱古力都超大杯！因為太飽，Waffle還打包帶走～🤣

🤩 今次多謝朋友介紹嘅驚喜發現：

呢間性價比高的餐廳隱藏在Fashion Walk德國寶旗艦店內，環境舒適，特別適合親友聚會！要記住，餐廳食物以會員優惠價發售，只要下載 German VIP Apps 登記就可以成為會員！

品味醬酒新體驗｜浪漫夜晚就在 Moon Ocean

最近和老公一起去了 銅鑼灣Moon Ocean，一邊品酒，一邊享受悠閒的二人時光🍸。

這裡的環境真的很有格調，不僅有魚缸觀賞，還有飛鏢機和桌球，無論是約會還是朋友聚會都好適合！🎯

🔥 必試特色小食：

 • 香辣雞中翼：外脆內嫩，微辣的香氣超開胃！

 • 椒鹽雞軟骨：香口又有咬勁，吃起來停不下來！

當晚最驚喜的還是 全港首個醬酒雞尾酒系列，由《漢台珍藏》釀造而成，融合了白酒的醬香和西式調酒的巧思，三款都各有特色～

🍹三款醬酒雞尾酒推薦：

1️⃣ 蝶戀花 🌸

用果香襯托漢台白酒，味道清甜而層次豐富，特別適合白酒新手！

2️⃣ 漢茶 🍋

漢台白酒結合凍檸茶和荔枝香，將香港味道與醬香酒完美融合，尾韻特別迷人～

3️⃣ 粉漢泡泡 🍓

這杯完全顛覆我對白酒的印象！士多啤梨、焦糖、咖啡的甜美組合，再配上希臘乳酪和牛奶，餘韻裡竟然帶著一絲鹹香，口感超特別！我好快就飲晒六小杯💕

如果你同我一樣想試新口味、體驗白酒的新魅力，這裡絕對是好選擇！🍹✨

📍 Moon Ocean

地址：香港銅鑼灣耀華街38號ZING! 1樓

【牧羊少年咖啡館】康城新店

 

早前一家去咗牧羊少年咖啡館嘅康城新店食飯，以前成日去單車公園嗰間，邊食邊望住湖景，真係好chill～宜家搬咗嚟康城，梗係要嚟撐下啦！雖然新店坐得都幾舒服，空間夠大，裝修又靚，但始終少咗單車公園嗰種湖景 vibes，有啲唔慣。不過講到食物，依然係咁高水準！

前菜

牛油果香芒烤雞沙律 ：好清新！牛油果滑滑嘅，香芒甜甜地，配埋日式胡麻醬嗰種堅果香，每啖都好有層次。

金沙鹹蛋黃鳳尾蝦 ：呢道菜真係一夾停唔到手！鳳尾蝦炸得脆卜卜，外層裹住鹹蛋黃，香而不膩，帶啲沙沙嘅口感，好快就清晒碟！

主菜

鮮忌廉黑松露醬雜菌長通粉 ：香味撲鼻！松露同忌廉醬比例啱啱好，濃淡得宜，又唔會搶咗雜菌嘅鮮味。長通粉煮得好彈牙，每一啖都充滿幸福感～

慢煮BBQ醬美國豬肋骨 ：肉質超juicy，一咬就散開，甜甜嘅BBQ醬真係岩晒我哋鍾意食濃味嘅口味！配埋脆卜卜嘅薯條同燉菜，係肉食控必點！

飲品

抹茶可可朱古力（熱）

：微苦嘅抹茶加埋香濃嘅可可，飲落層次豐富，暖笠笠超舒服，特別啱呢排涼涼地嘅天氣～

午夜果汁 ：紅菜頭、藍莓加香蕉，酸酸甜甜，唔會太heavy，反而飲落清爽又解膩。

甜品

壓軸登場嘅焙茶心太軟蛋糕配焦糖脆餅雪糕，蛋糕一切開，焙茶醬好似熔岩咁流出嚟，香味即刻充滿晒成枱～個焙茶味微苦，配埋焦糖雪糕嘅甜味，平衡得好完美，甜而不膩，真係療癒！仲有套餐送嘅Haagen-Dazs雪糕杯，海豚妹見到即刻開心到話「呢餐真係滿分！」

總括嚟講，雖然少咗單車公園嗰種湖景 vibes，但康城新店嘅食物水準完全保持住，啲菜有心思又有創意，份量足夠又好味，真係一家大細慢慢食慢慢傾嘅好地方！

每次經過都香噴噴~~芝士千層撻

每次經過都香噴噴💨，之前成日見到人排隊已經好想試，今日海豚會放學經過冇乜人即刻去買！

性價比高法國菜～ÔDELiCE

平日7:30pm去食餐廳都幾乎滿座，上次試過佢哋嘅午餐，水準覺得唔錯，今次就試吓佢哋BISTROT SET 晚市套餐：

#蘑菇湯 🍄

濃郁的蘑菇香氣撲鼻而來，湯汁絲滑細膩。能感受到蘑菇的天然鮮味，配上些許奶油，味道更加濃厚，配上法式麪包🍞，沾上湯汁又有另一番風味。

🍴頭盤

#法式點心拼盤 🥐

每一口都蘊含著濃郁的法國風味，從酥脆的鵝肝醬酥到滑溜的焗田螺，每一款小點都展現出廚師精湛的手藝。

#空運黑青口 🦪

 口感鮮嫩，味道清新。配上白酒煙肉忌康汁，讓海鮮的鮮甜味更加突出。

🍽️主菜

#原隻烤龍蝦配芥未荷蘭醬汁 🦞

 龍蝦肉質鮮嫩，烤製的恰到好處，每一口都充滿了海洋的味道。

芥未荷蘭醬汁則為這道菜增添了一抹微辣和酸甜的層次感，完美地中和了龍蝦的鮮味，令人一試難忘。btw原本menu應該係薯條，但係唔知點解薯條變咗塊牛扒🥩我都係寫食評時睇返Menu先發覺。

#阿根廷安格斯牛脊肉 🥩

搭配蘆筍、燒薯粒和鴨肝砵酒醬汁

牛脊肉煎至外焦內嫩，肉汁豐富，入口即化。蘆筍脆嫩多汁，燒薯粒香脆可口，而鴨肝砵酒醬汁更是點睛之筆，濃郁的酒香和鴨肝的滑順完美融合，為整道菜帶來極致的味覺享受。

ÔDELiCE的BISTROT SET 晚市套餐整體水平都唔錯，下次有機會再試吓佢嘅下午茶🤗！