一家人＋朋友聚餐去咗尖沙咀圓方間網紅越南菜 Bistro Hoi An
成個氛圍好似穿越咗去會安古城咁，手工燈籠、暖黃燈光，影相打卡超靚，傾計又好舒服
今次最吸睛一定係佢哋嘅「20 吋竹炭越式三文治」，
黑色竹炭法包烤到外脆內軟，入面夾滿自家製雞肝豬肝醬、五香豬腩肉、豬肉鬆，再配酸菜、辣椒、香草，啖啖都係料，真係好滿足！
前菜有油甘魚同生煆刺身，好新鮮；燒蝦柚子沙律酸酸甜甜好開胃，配埋炭燒大蝦同炭燒和牛，肉質嫩滑又多汁，真係食到停唔到口
咖喱軟殼蟹香濃惹味，蟹肉炒飯粒粒分明又唔乾，炒通菜都鑊氣十足，好送飯
芒果米卷清爽又唔太甜，做結尾好適合；甜品我叫咗焦糖爆谷香蕉同咖啡雪糕，一個香口一個滑，
配埋佢哋嘅特色飲品，例如西貢拜古爾、hoi… 同幾款清新茶，成餐飯真係由頭到尾都幾有層次感
整體嚟講，Bistro Hoi An 唔淨係有話題性嘅竹炭三文治，其他越南菜都做得好地道，
適合一家人或者同朋友慢慢食及聚會，係一間會想再返嚟嘅店
📍Bistro Hoi An（尖沙咀 Elements 圓方）
當角落生物換上冬日造型，連寒冷嘅冬天都變得溫柔可愛起嚟～
今次同囡囡＋閨蜜一齊去咗 Sumikko Gurashi × 富山麵家（期間限定店 第二彈）
一入到去已經覺得好有冬日氣氛～成間店換上紫色冬日浪漫裝潢
角落生物全部着晒冬季造型，囡囡即刻心心眼
🍜 必食推介🦀 極上海皇醬拌麵（真心講，唔止可愛，仲好食！）
蟹粉超多，啖啖都係鮮味，食得好滿足～好霸氣🤤
🍤 特製白鹽蝦拉麵：
湯底清甜，蝦味好香，好舒服嘅味道
🍠 特製粟子紫薯餅:
外脆內嫩，越食越上癮
我哋仲叫咗：🥟 肉汁滿滿餃子、🍗 富山雞翼～
🍰 甜品飲品都好打卡：
🍨 特製芭菲
🍑 特製白桃烏龍奶茶
🥥 特製荔枝椰果梳打
（角色棉花糖隨機出現，驚喜感滿分🥹）
🎁 限定周邊都好吸引
店內點 SG 特製拉麵＋Follow IG / 小紅書 like & share
👉 免費送 A4 Folder 一套
👉 仲有套裝價 $228（拉麵碗＋環保袋＋毛絨多用途袋）
角落生物迷真係會忍唔住🤍
📅 期間限定：
🗓️ 2025/12/1 – 2026/1/31
🎄👧🏻👭 無論係親子、閨蜜聚會，定係聖誕新年想搵個可愛又輕鬆嘅地方食飯，呢度都好啱～食得開心、影得開心，小朋友同大人都滿足✨
今日同老公嚟咗【明水然・樂】，真心要話俾鍾意日式料理＋海景＋氣氛感餐廳嘅你哋知！
呢度主打 日式無菜單鐵板燒 Omakase，我哋揀咗$880嘅「極上套餐」，14道菜食到好滿足，重點係每一樣都好有心思✨，食材又新鮮，師傅鐵板前即場表演，視覺＋味覺雙重享受😍
💡我哋食咗：
🔹北海道鮮貝＋花一齊食，花竟然有梅味（超神奇🌸）
🔹南非鮑魚配松露醬，估唔到鮑魚同松露醬係咁夾！😋
🔹鵝肝配特調蘋果醬🍎，入口即溶又唔膩～
🔹脆炸魚皮八爪魚🐙、時令蔬菜（全部都好鮮甜）
🔹極上限定魚：馬友魚，煎到外脆內嫩，店員可幫忙拆骨好貼心🐟
(菠蘿冰沙清清味蕾)
(蔬菜也很甜)
🔹重頭戲：A4和牛三食（鐵板煎🥩＋菠蘿包和牛漢堡🍔＋炒飯🍚，炒飯因為太飽我們帶回家了）
🔹龍蝦：有海膽松葉蟹龍蝦撻、香煎龍蝦配龍蝦膏醬、仲有龍蝦麵豉湯🦞龍蝦好食得超級滿足！
最後仲有朱古力Pancake，去到依度雖然已經好飽，但係因為好好味，又忍唔住食晒🍫🥞
📸 餐廳仲望住海景食鐵板，浪漫感即刻UP💯
想簡簡單單過一個高質晚餐，我真心建議揀$880套餐，升級食材會有驚喜，例如A4和牛同澳洲牛一比就知分別❤️
📍【明水然・樂】📍
📌拍拖／慶祝／想食好少少嘅晚餐都好啱！
早幾日同老公去試咗間新開嘅潮汕菜館 —— 陳鵬鵬潮汕菜館，真係幾有驚喜，啲味道夠地道之餘又唔會太重口味，好啱香港人口味！
入座就會有功夫茶及餅送，感覺精緻即刻加分！而且呢度係唔收+1同茶位費。
🥣 海鮮砂鍋粥
推介！真心正～啲蠔超新鮮，咬落去有種爆汁感🤣 整個粥底夠火喉又唔會太稀，味道鮮甜得嚟唔油膩，飲晒成煲都唔覺滯！
🦆 金獎滷鵝拼盤
一睇賣相已經加分，啲鵝油香得嚟唔肥膩，肉質仲保持到嫩滑～我同老公一致話：鵝肉好好食。
🐟 晋煎金鰨魚
外皮煎得好香，唔會乾柴，咬落去仲有啲焦香～啱晒啲鐘意食魚又唔想食太heavy嘢嘅人。
🥬 潮汕七檬菜
入口鹹香但唔死鹹，仲帶少少自然鮮甜，幾有層次感，配粥或者飯都好夾。
整體嚟講，餐廳乾淨舒適，而且有老香港的特色，好似室內有冷氣大排檔咁，侍應有禮貌，食材有誠意，用料唔hea。最重要係，呢啲菜色唔係到處都有得食，潮汕菜本身就比較少見，呢度真係食得出功夫。
呢間位於荃灣嘅Homeland ，我哋最期待就係佢哋超出名嘅**「畫碟甜品」～甜品上可以畫圖+寫字，仲會送即影即有寶麗來📸相片，影得靚又有紀念價值，整個儀式感爆棚！💖
當日我哋一人一款甜品，畫咗：
🎂 Happy Every Day + Cinnamoroll 同佢嘅小熊公仔 🐶🎀
🎂 Thank You + Chiikawa入面小八同兔仔 🐰✨
大人小朋友見到都忍唔住尖叫，畫得超靚，差啲唔捨得食！🍽️推介比生日🎉、慶祝🎊、告白💌、友情聚會👯♀️，絕對係滿滿回憶值！記得畫碟要預訂＋加 $35💵，早啲book呀！
甜品我哋試咗：
• 焦糖無花果伯爵茶奶蓋芝士蛋糕 🍯🍰
• 開心果奶蓋巴斯克芝士蛋糕 🍃🧀
唔止樣靚，味道都唔輸蝕，甜而不膩，奶蓋香滑好有層次！👌
🍽️其他推介美食：
• 黑松露牛肝菌蘑菇湯（超香！🍄）
• 泰式柚子蟹肉沙律（開胃推介🥗）
• 新奧爾良海鮮拼盤（中）— 松葉蟹腳好鮮甜，蒜香牛油汁加分🦀🧄！
• 黑松露雪山芝士炸薯條（超邪惡！🍟）
• 香濃芝士焗西蘭花（芝士控必點🧀🥦）
• 西西里龍蝦汁海鮮鐵鍋燉飯（入味又足料🍤🍚）
整體環境舒服🌿，食物水準高💯，加埋畫碟甜品真係值得一試～下次慶祝一定會再去！🎉
