將軍澳搵到間潮汕好店！

早幾日同老公去試咗間新開嘅潮汕菜館 —— 陳鵬鵬潮汕菜館，真係幾有驚喜，啲味道夠地道之餘又唔會太重口味，好啱香港人口味！

入座就會有功夫茶及餅送，感覺精緻即刻加分！而且呢度係唔收+1同茶位費。

🥣 海鮮砂鍋粥

推介！真心正～啲蠔超新鮮，咬落去有種爆汁感🤣 整個粥底夠火喉又唔會太稀，味道鮮甜得嚟唔油膩，飲晒成煲都唔覺滯！

🦆 金獎滷鵝拼盤

一睇賣相已經加分，啲鵝油香得嚟唔肥膩，肉質仲保持到嫩滑～我同老公一致話：鵝肉好好食。

🐟 晋煎金鰨魚

外皮煎得好香，唔會乾柴，咬落去仲有啲焦香～啱晒啲鐘意食魚又唔想食太heavy嘢嘅人。

🥬 潮汕七檬菜

入口鹹香但唔死鹹，仲帶少少自然鮮甜，幾有層次感，配粥或者飯都好夾。

整體嚟講，餐廳乾淨舒適，而且有老香港的特色，好似室內有冷氣大排檔咁，侍應有禮貌，食材有誠意，用料唔hea。最重要係，呢啲菜色唔係到處都有得食，潮汕菜本身就比較少見，呢度真係食得出功夫。

【牧羊少年咖啡館】康城新店

 

早前一家去咗牧羊少年咖啡館嘅康城新店食飯，以前成日去單車公園嗰間，邊食邊望住湖景，真係好chill～宜家搬咗嚟康城，梗係要嚟撐下啦！雖然新店坐得都幾舒服，空間夠大，裝修又靚，但始終少咗單車公園嗰種湖景 vibes，有啲唔慣。不過講到食物，依然係咁高水準！

前菜

牛油果香芒烤雞沙律 ：好清新！牛油果滑滑嘅，香芒甜甜地，配埋日式胡麻醬嗰種堅果香，每啖都好有層次。

金沙鹹蛋黃鳳尾蝦 ：呢道菜真係一夾停唔到手！鳳尾蝦炸得脆卜卜，外層裹住鹹蛋黃，香而不膩，帶啲沙沙嘅口感，好快就清晒碟！

主菜

鮮忌廉黑松露醬雜菌長通粉 ：香味撲鼻！松露同忌廉醬比例啱啱好，濃淡得宜，又唔會搶咗雜菌嘅鮮味。長通粉煮得好彈牙，每一啖都充滿幸福感～

慢煮BBQ醬美國豬肋骨 ：肉質超juicy，一咬就散開，甜甜嘅BBQ醬真係岩晒我哋鍾意食濃味嘅口味！配埋脆卜卜嘅薯條同燉菜，係肉食控必點！

飲品

抹茶可可朱古力（熱）

：微苦嘅抹茶加埋香濃嘅可可，飲落層次豐富，暖笠笠超舒服，特別啱呢排涼涼地嘅天氣～

午夜果汁 ：紅菜頭、藍莓加香蕉，酸酸甜甜，唔會太heavy，反而飲落清爽又解膩。

甜品

壓軸登場嘅焙茶心太軟蛋糕配焦糖脆餅雪糕，蛋糕一切開，焙茶醬好似熔岩咁流出嚟，香味即刻充滿晒成枱～個焙茶味微苦，配埋焦糖雪糕嘅甜味，平衡得好完美，甜而不膩，真係療癒！仲有套餐送嘅Haagen-Dazs雪糕杯，海豚妹見到即刻開心到話「呢餐真係滿分！」

總括嚟講，雖然少咗單車公園嗰種湖景 vibes，但康城新店嘅食物水準完全保持住，啲菜有心思又有創意，份量足夠又好味，真係一家大細慢慢食慢慢傾嘅好地方！

【忌廉狀的DHA魚油】估唔到BB咁鐘意食

我啊媽成日話依家嘅小朋友比上一代更聰明，
大概因為依家小朋友要補充的營養和教育都更加豐富。
小朋友階段是腦部發展的黃金期，
需要足夠的成長營養元素配合，
而提升兒童學習力、記憶力及專注力的元素是什麼呢？
就是DHA啦！



 有些食品都會加入DHA增加小朋友吸收的機會。
而呢款：Smartfish智睛叻DHA忌廉魚油 (28包裝) 價錢：＄279/盒
就含有豐富Omega-3、DHA、 EPA、 DPA，
全面提升腦部及視力發展，增強免疫力、氣管及心腦血管的健康。

牛気Nabe Urawa【日式涮涮鍋】

放工同老公撐枱腳，冬天最想食涮涮鍋~
今次試下在尖沙咀The One新開的「牛氣」。
之前聽朋友說旺角雅蘭中心的店不錯，除了牛肉好味，其他配料仲有好多選擇。

節日狂歡【保養腸胃+肝】NATURE’S BOUNTY 自然之寶

聖誕是與親朋好友聚的歡樂節日。
12月1月都是食好野的月份，亦是Party玩通頂的時候
日日食這麼多雜食又夜訓，腸胃和肝都難免會出來投訴。
幸好，早前受邀請食 NATURE’S BOUNTY 自然之寶
 (美國著名的營養膳食保健品公司)的保健食品。

【愛花文青必到 Cafe Bauhinia 】大玩 Floral Jamming及 DIY 幸福水晶球頸錬

如果同我一樣咁鐘意花，一定會愛上位於上環的 Cafe Bauhinia，
上星期同好友一齊玩 Floral Jamming，一齊整幸福水晶球頸錬，同埋食精美 High Tea。玩足一晚非常滿足！