讀【幼兒教育】就識湊仔？

記得當年我選擇讀「幼兒教育」時，我父母問我：點解要花4年時間，在大學學習「#湊仔」？佢哋嘅疑惑係到底四年讀乜野？



幼兒期係人一生中大腦發育最快嘅時期，對於各方面嘅發展，都喺係幼兒時期建立，人的一生，好多概念、價值觀、處事模式，不論是有記憶，還是無記憶，都係喺幼兒階段建立的。對於一個咁重要嘅時期，我哋要去掌握同有效去教導，用四年嘅時間，其實一D都唔長。

講到「湊仔」，係咪讀左「幼兒教育」就會識？Sorry~係唔會架！雖然在教育上，的確會有幫助。但湊仔同教育唔一樣。首先，湊仔等如要好好照顧呢個小朋友。我覺得不可思議係到依家呢個世代仲會有人貶底湊仔嘅工作，照顧小朋友一點都唔簡單，由陀住佢點樣有營養俾佢，到生咗出來點樣餵奶、換片、清潔、日夜照料....個種唔止知識層面上，而係心力交瘁嘅投入！有人話：生仔要考牌，如果未有個種心智，連自己都未照料好，我都覺得「湊仔」係好大嘅難題。但每一個媽媽，都係為母則強 ，當有咗小朋友，就係一種學習。父母都會諗，幾時先係ready好做一個好父母，但世事係從來都無所謂ready好，只要你願意一邊去學習做好，願意負責任陪小朋友成長，已經很好。

而我都係一樣，學習做一個好媽媽，我好多謝父母雖然疑惑，但佢哋都放手俾我去讀「幼兒教育」。呢四年我所得到嘅遠遠俾我想像嘅多。佢哋仲教識我：「愛孩子，放手俾佢哋做喜歡嘅事！」依家呢個世代，做喜歡的事都可能會有壓力，又或者唔知道仲可唔可以繼續放膽去做，不過我相信我們的孩子和未來，喺亂世下來到呢個世界自有佢哋發光發熱嘅方式，而作為媽媽，我會一直用我最大能力陪伴佢渡過。




大家也來一起交流一下，留言或私訊我也可！
DolphinB的 Facebook：https://www.facebook.com/dolphin.bluesky/

關於DolphinB：
喜歡海豚的DolphinB媽媽，幼兒教育一級榮譽畢業，以每人都「值得擁有」夢想的幸福生活態度而前進，喜歡分享生活點滴～曾做過：幼稚園老師、網絡平台編輯及公關，髮型用品代言人、現職全職媽媽及Freelance digital marketer。


DolphinB的email：cloudy_bluesky@yahoo.com.hk
instagram：DOLPHINBLUESKY
DolphinB Youtube
You can also find me in:
【Blogspot】【WeShare】【Ztyle】【BE】
【Baby Kingdom】【MamiBuy】【She.com】
【EsdLife】【presslogic  Mami】 【Girlssss】