話你知點解連醫生都買 Emma Sleep 德國Emma Zero Gravity 太空零感床褥2.0?

話你知點解連醫生都買 Emma Sleep 德國Emma Zero Gravity 太空零感床褥2.0? 我的slasher脊椎被拯救了!!

最近去醫生朋友屋企玩過夜，試咗佢張Emma Sleep【德國Emma Zero Gravity 太空零感床褥2.0】，起身出奇地腰痛減少咗好多，研究完一輪先明白原來一直我以為起身腰酸背痛嘅問題唔係因為年紀大或者睡眠時間唔夠長，而後因為我屋企瞓緊快十多年嘅床褥已經唔再support我啦！唔瞓唔知, 原來今時今日嘅床褥技術已經同我10前買嘅舊床褥差好遠!!

👫 拍拖仔推介｜靚景＋高質日式鐵板燒🍣🔥

今日同老公嚟咗【明水然・樂】，真心要話俾鍾意日式料理＋海景＋氣氛感餐廳嘅你哋知！

呢度主打 日式無菜單鐵板燒 Omakase，我哋揀咗$880嘅「極上套餐」，14道菜食到好滿足，重點係每一樣都好有心思✨，食材又新鮮，師傅鐵板前即場表演，視覺＋味覺雙重享受😍

💡我哋食咗：

🔹北海道鮮貝＋花一齊食，花竟然有梅味（超神奇🌸）

🔹南非鮑魚配松露醬，估唔到鮑魚同松露醬係咁夾！😋

🔹鵝肝配特調蘋果醬🍎，入口即溶又唔膩～

🔹脆炸魚皮八爪魚🐙、時令蔬菜（全部都好鮮甜）

🔹極上限定魚：馬友魚，煎到外脆內嫩，店員可幫忙拆骨好貼心🐟

(菠蘿冰沙清清味蕾)

(蔬菜也很甜)

🔹重頭戲：A4和牛三食（鐵板煎🥩＋菠蘿包和牛漢堡🍔＋炒飯🍚，炒飯因為太飽我們帶回家了）

🔹龍蝦：有海膽松葉蟹龍蝦撻、香煎龍蝦配龍蝦膏醬、仲有龍蝦麵豉湯🦞龍蝦好食得超級滿足！

最後仲有朱古力Pancake，去到依度雖然已經好飽，但係因為好好味，又忍唔住食晒🍫🥞

📸 餐廳仲望住海景食鐵板，浪漫感即刻UP💯

想簡簡單單過一個高質晚餐，我真心建議揀$880套餐，升級食材會有驚喜，例如A4和牛同澳洲牛一比就知分別❤️

📍【明水然・樂】📍

📌拍拖／慶祝／想食好少少嘅晚餐都好啱！

將軍澳搵到間潮汕好店！

早幾日同老公去試咗間新開嘅潮汕菜館 —— 陳鵬鵬潮汕菜館，真係幾有驚喜，啲味道夠地道之餘又唔會太重口味，好啱香港人口味！

入座就會有功夫茶及餅送，感覺精緻即刻加分！而且呢度係唔收+1同茶位費。

🥣 海鮮砂鍋粥

推介！真心正～啲蠔超新鮮，咬落去有種爆汁感🤣 整個粥底夠火喉又唔會太稀，味道鮮甜得嚟唔油膩，飲晒成煲都唔覺滯！

🦆 金獎滷鵝拼盤

一睇賣相已經加分，啲鵝油香得嚟唔肥膩，肉質仲保持到嫩滑～我同老公一致話：鵝肉好好食。

🐟 晋煎金鰨魚

外皮煎得好香，唔會乾柴，咬落去仲有啲焦香～啱晒啲鐘意食魚又唔想食太heavy嘢嘅人。

🥬 潮汕七檬菜

入口鹹香但唔死鹹，仲帶少少自然鮮甜，幾有層次感，配粥或者飯都好夾。

整體嚟講，餐廳乾淨舒適，而且有老香港的特色，好似室內有冷氣大排檔咁，侍應有禮貌，食材有誠意，用料唔hea。最重要係，呢啲菜色唔係到處都有得食，潮汕菜本身就比較少見，呢度真係食得出功夫。

🌈✨「情緒菜市場 × 素某」親子盛宴

 這個復活節，我哋走入咗一個色彩繽紛、滿載情緒同笑聲嘅小宇宙～

🌈✨「情緒菜市場 × 素某」親子盛宴，一個玩到唔想走，連心情都被療癒嘅地方。

一入場就俾「情緒菜市場」吸引住🛒 各款蔬菜公仔🥒🍆🥕都有自己獨特嘅表情同性格～

例如：橙慘豬、新奇事、點蒜、櫻逃…每一隻都超可愛又超有戲，好似入咗個小小情緒世界一樣！✨

而且呢個下午，仲有一個超靚超治癒嘅精美彩虹素食下午茶☕️✨！

山藥、南瓜、蕃茄天貝、酥香醬茄子、意大利青瓜、紫薯撻～

每一道都色彩繽紛，味道清新，營養又無負擔，食住都覺得自己心情靚咗一大截，視覺同味蕾都被治癒咗。

小朋友們忙住製作甜品（木糠布甸！）🍮

又親手做復活節燈飾蛋🎨💡，一邊玩，一邊學識表達自己嘅小情緒。

而媽媽我，就有幸偷到個me time⏳ 去參加「家長鬆一Zone」講座～同其他媽媽齊齊傾心事，分享育兒路上嘅喜怒哀樂，有共鳴，有眼淚，但更多的是彼此之間的力量和溫柔❤️。

有時，大人小朋友都一樣，需要一個地方，讓心情可以呼吸，讓情緒可以被看見，被擁抱。

多謝呢一個溫暖又療癒嘅午後，

留住咗好多珍貴嘅笑容同回憶

靚到唔捨得食！Homeland畫碟甜品連靈魂都被融化 ✨🍰

呢間位於荃灣嘅Homeland ，我哋最期待就係佢哋超出名嘅**「畫碟甜品」～甜品上可以畫圖+寫字，仲會送即影即有寶麗來📸相片，影得靚又有紀念價值，整個儀式感爆棚！💖

當日我哋一人一款甜品，畫咗：

🎂 Happy Every Day + Cinnamoroll 同佢嘅小熊公仔 🐶🎀

🎂 Thank You + Chiikawa入面小八同兔仔 🐰✨

大人小朋友見到都忍唔住尖叫，畫得超靚，差啲唔捨得食！🍽️推介比生日🎉、慶祝🎊、告白💌、友情聚會👯‍♀️，絕對係滿滿回憶值！記得畫碟要預訂＋加 $35💵，早啲book呀！

甜品我哋試咗：

• 焦糖無花果伯爵茶奶蓋芝士蛋糕 🍯🍰

• 開心果奶蓋巴斯克芝士蛋糕 🍃🧀

唔止樣靚，味道都唔輸蝕，甜而不膩，奶蓋香滑好有層次！👌

🍽️其他推介美食：

• 黑松露牛肝菌蘑菇湯（超香！🍄）

• 泰式柚子蟹肉沙律（開胃推介🥗）

• 新奧爾良海鮮拼盤（中）— 松葉蟹腳好鮮甜，蒜香牛油汁加分🦀🧄！

• 黑松露雪山芝士炸薯條（超邪惡！🍟）

• 香濃芝士焗西蘭花（芝士控必點🧀🥦）

• 西西里龍蝦汁海鮮鐵鍋燉飯（入味又足料🍤🍚）

整體環境舒服🌿，食物水準高💯，加埋畫碟甜品真係值得一試～下次慶祝一定會再去！🎉