我曾經係幼稚園老師，好明白小朋友嘅成長除咗學術、自理、身體健康等等，心靈嘅成長一樣好重要。而心靈成長，比起前述的能力可能更加抽象，亦難以去表達俾小朋友理解。
我十分推薦家長可以透過繪本、遊戲或玩具來幫助小朋友心靈成長。心靈成長其實係咩呢？簡單來講，小朋友點樣去面對傷心、憤怒、失落、壓力等等嘅情緒。老一輩會覺得喊好肉酸、好醜怪，覺得小朋友唔應該有傷心嘅情緒，但係其實咁樣只會令小朋友抑壓情緒而產生好多人格問題，就好像電影 Inside out所講的內容一樣。為咗小朋友有更理想嘅心靈發展，今日我要推介一下最近好鍾意嘅繪本作品：
《塵兒童心靈成長系列》
推介一：兒童情緒管理書系列：《#哭了怎麼辦?》、《#快樂和哀愁》令小朋友知道：哭，不是壞事，鼓勵小孩認識情緒，了解自己嘅性格特質，仲有應該點樣去處理情緒。
能夠講到點樣去處理情緒很好！記得有一次海豚妹(3歲)見到朋友失控大哭，佢同我講：「媽媽，你幫我叫佢深呼吸。」佢知道喊唔係壞事，但要懂得控制。
推介二：聯乘英國經典療癒卡通 Mr. Men Little Miss 七天治癒叢書系列:
《1+1 令彼此變得更好》書中講述每個角色與「#小塵」嘅相遇小故事，獨有性格令情緒產生化學作用，希望大小讀者能欣賞自己和別人多一啲。可愛嘅圖畫加上有趣嘅劇情，可以反思到人生大道理。
佢本書仲有一張明信片，裏面都寫上發人深省嘅字句，可以珍藏嘅可以送俾朋友。
本書細細本又可以帶出街睇，非常實用又有意思！對於年幾較少的幼兒，父母嘅解讀就好有意思，親子時間瞬時更有深度和思考空間。
結語：
好多時大人都會將自己認為對嘅標準套用落小朋友身上，但由於社會轉型，加上學習模式嘅唔同，其實以往我哋嘅標準已未必適合小朋友。而我哋每個人內心唔多唔少都有未能填補嘅傷痛需要去處理，睇「小塵」嘅圖書，有一種不可思議療癒嘅力量，唔但止小朋友適合，大人一樣睇完有反思。最後推介：塵話過〈100個生活基本〉(袖珍本)一本睇完會心靈力量滿滿嘅繪本。
🔖出版社:小魚亮光出版社
📚部分書可以到 online store買到 : store.dustykid.net
📝了解更多Dustykid： https://www.facebook.com/DustykidHK https://www.instagram.com/dustykid_hk
https://www.facebook.com/DustykidWorld
沒有留言:
張貼留言