越嚟越鍾意健康飲食，朋友推介Lifetastic主打無麩質、生酮及純素層式蛋糕~平日同老公lunch，試吓佢哋Lunch Set! 價錢由＄98-＄188不等，跟餐湯及餐飲，加$40配裝蛋糕～為蛋糕而來，當然要加錢食埋蛋糕。
2023年5月23日 星期二
2023年5月11日 星期四
Queen's way 觀塘優質美容院【首創石墨烯能量房】
媽媽爭取時間me time，去美容院當然想做到最大功效，如果可以有埋絕美環境打下卡又盡情放鬆，就perfect 啦！
Queen's way 於觀塘開幕，佢係我心中perfect美容院之一。Queen's way鄰近地鐵站非常方便，店鋪以西洋棋作主題，裝修精緻有氣派，於美容及養生的世界，同西洋棋一樣需要按部就班，講求部署‧策略，依先後次序進行不同的護理，以達至最佳嘅效果。
2023年5月10日 星期三
大埔｛精緻法式Fine Dining ｝
同老公拍拖仔，想去食特別一啲，試吓大埔好評Fine Dining 。伴碟點綴嘅手畫花，令整個dining 更添精緻及高級感。
我哋叫咗兩個set: 6 courses: $788
Lunch Set :4 course :368
前菜
「碟豆花木魚清湯鯛魚刺皇」加咗檸檬汁心後清湯會由紫色變為粉紅色，好靚呀！視覺享受完再食，鮮甜開胃。
巴馬火腿果仁沙律
新鮮沙律配咸香火腿，清新美味
自家製蟹餅 ．檸檬忌廉汁
咬開金黃酥脆表面，內𥚃係一絲絲蟹肉，鮮嫩多汁再配上檸檬忌廉汁，層次豐富。
蘑菇湯
每一啖嘅湯都有蘑菇肉，creamy 又香濃
龍蝦湯
𥚃面有龍蝦及帶子肉，龍蝦鮮咸香味充斥整個口腔，非常濃厚的口感，龍蝦湯迷必點
MAIN：
慢煮西班牙黑毛豬鞍 •焦糖蘋果
豬鞍粉嫩，質感爽彈又嫩，配埋焦糖蘋果不會膩。
法式香料烤龍蝦尾海鮮洋薏米飯(+$80）
薏米飯有咬口，龍蝦汁香濃！龍蝦鮮甜爽彈，帶子鮮甜，
甜品：
美女與野獸 （+$48)
打開玻璃煙燻瓶，一棵美麗的玫瑰盛放，陣陣香甜嘅味道撲鼻而來。外層有啲似和果子嘅質感，內𥚃包裹住黑朱古力，甘甜～
比利時朱古力心太軟
鍾意黑朱古力，所以呢個甜品俘虜咗我個心！
飲品：
白洒(+$38)及Pink Lady($118)
醉人的粉紅色，酒味不算濃，酸酸甜甜十分開胃清新。
L'AMOUR
餐廳 : L'AMOUR
地址 : 大埔太和路15號太和中心地下38號舖
當小熊變成美人魚【美味酸菜魚】
當小熊變成美人魚，就係我第一次見到#姚姚酸菜魚嘅印象。今次同老公去銅鑼灣希慎廣場，試吓呢個網紅推介超人氣酸菜魚品牌！
姚姚酸菜魚2019-2020年連續兩年榮獲「中國酸菜魚十大品牌」嚟到當然要試吓佢哋最出色嘅酸菜魚啦！
2023年4月24日 星期一
2023年2月1日 星期三
隱世「鐵板燒」美食～大埔 <燚 ITSUMÉI>
去到餐廳門口要撳門鈴入去，之前以為係咪lunch 唔營業，因為好少餐廳會咁樣關門，當店員熱情地開門時入內都幾驚喜，鐵板燒烤板上有一個藍色魚缸，氣氛係好似居酒屋的感覺。
我同老公叫左兩Set $588嘅入門廚師發辦套餐，及兩杯啤酒🥂送鐵板燒一流！
2023年1月13日 星期五
【新年好氣息】自然仿真眉毛飄眉
要整眉我只會去：brow brow beauty place，話說由飄眉剛剛興起，我已經係搵Hebe整眉，都有差唔多10年嘅時間🙈，到依家我都只係信得過去brow brow beauty。因為眉毛整得自唔自然、同埋靚唔靚係好影響成個人嘅面相。真係唔可以貪平，或者是但搵一間。
今次由眉師Pinky 負責我條眉❤️首先了解我面型和喜好設計眉型先，
【改善脫髮】生髮中心推薦｜詳細活髮療程大公開！
我天生頭髮比較幼身，所以成日都會想令髮量多啲，不過因為成日染髮、電髮，再加上之前生完小朋友，所以不論是先天還是後天的因素形響，都令我受脫髮問題困擾。
其實每個人都會甩頭髮，但如果甩得多過新陳代謝，就係唔正常嘅脫髮。而我都聽過身邊嘅朋友中完Covid之後，有甩頭髮嘅情況。如果一直唔理佢，咁脫髮問題就會愈來愈嚴重，更會導致頭頂稀疏，影響外觀😫！所以我都必須要開始重視，找出我嘅脫髮成因。
2023年1月4日 星期三
再食大灰熊廚房⭐️將軍澳美食⭐
再食大灰熊廚房⭐️將軍澳美食⭐～住將軍澳平時都會喺度叫外賣，二人餐優惠價$228有齊：
- 精美小菜任退二款
- 湯或羹任匯一款
- 絲街白飯二碗
- 熱飲二杯
鍾意佢啲小菜夠曬惹味！好似今次沙拉蝦球、臘味炒荷蘭豆。
2022年11月29日 星期二
Green waffle Diner 為咗美味窩夫而來!
為咗美味窩夫而來! Green waffle Diner有dinner set ，5course $228起晚餐包括頭盤伴碟飲品主菜跟甜品，好吸引。
頭盤：
可選餐湯或沙律，或加錢配其他菜式，我哋就加錢要咗藍青口，而伴碟要咗炒蘑菇。
主菜，我哋叫咗紅酒燴羊膝配黑松露薯蓉
薯蓉好香黑松露味，而且好軟滑，配紅酒燴羊膝，口感更有層次，好味。
甜品：士多啤梨大黃醬窩夫配自選雪糕
我哋要咗朱古力味雪糕，雪糕有少少朱古力碎，窩夫口感香脆，蛋味濃郁，配搭上莓醬中和甜味，每一啖都好滿足！
我哋另外叫咗：
燒烤豬肋骨漢堡配薯條
厚切薯條好香口，BBQ醬豬肋骨好惹味，甜甜酸酸，小朋友都食得好開心。
牛油果雜菜薯粒鑊仔
裏面有一隻流心蛋，鍾意食薯仔一定要試吓，熱辣辣上碟！上面鋪滿芝士，配上雜菜香口又唔會太邪惡，yummy!
整體呢一餐都好滿意，會再嚟encore
2022年11月12日 星期六
Letspa全新量膚濾鏡系列 (Wishpro)
去康城行街順便me time 做個Facial 。平時經過Letspa，以為佢都係按摩為主，今次見到佢推出咗：全新量膚濾鏡系列 (Wishpro)，會根據返每個人嘅膚質狀況，打造專屬你嘅treatment搭配，有十三種精華，適合所有皮膚性質問題。
2022年10月25日 星期二
2022年10月22日 星期六
秋冬點様保持皮膚水潤？一定要揀啱適合嘅保濕產品
只要皮膚keep 住有水份，皮膚都會健康啲！最近試用：粉紅爆水啫喱！
佢就係CLINIQUE（首家由皮膚科醫生創立的著名化妝品牌 ）推出的：第5代升級粉紅爆水啫喱 (100小時自我修護水嫩補濕啫喱)
2022年9月15日 星期四
秋日親子必去【豪華Glamping】@流水響 享受露營已包豐富晚餐及早餐～
一直都想同小朋友親親大自然，體驗一下露營，不過自己冇工具，加上諗起要預備食物去邊度沖涼等等已經怕怕。見到Klook 秋天限定嘅豪華露營行程，營地喺三面環山嘅四季農莊，距離打卡聖地「天空之鏡」流水響水塘只有5分鐘車，仲要已經包括晒所有住宿基本需要，解決晒我擔心嘅問題。
我哋揀嘅係：【2~3人】中蒙古營
Package包括：
1張雙人床、張單人床、枕頭
羽絨被、冷氣。濟州島黑毛豬韓烤餐（2~3人份量）
豐富營養早餐（2~3人份量）
最鍾意佢有佈置營前桌面，同埋營地小小嘅燈飾！成件事變得好chill 又打卡able!
一到營地首先先登記，check in 時間係2pm, 第二日check out 係12pm 。等職員預備好營地就可以將隨身物品放入去，然後喺營前享受一杯welcome dink。大人飲嘅係發酵咗嘅茶，味道有少少似啤酒，有氣好解喝。小朋友有Qoo果汁，坐喺度嘆返陣，就出發去玩啦！
小朋友有咩玩？
有木製滑梯、彈床、千秋，但嚟到郊外最吸引嘅係一大片厚厚草地，早上我哋仲試吓赤腳行草地，對於城市人難得嘅體驗。喺營地亦有安排充氣水池、水槍、泡泡、哥爾夫球等設施俾小朋友放電。
玩到黃昏，開始肚餓，就有專人預備晚餐於營前享用。見到太陽慢慢西下，燃點營前浪漫燈光，實在好有feel。
工作人員喺營地周圍蚊香，工作人員亦細心提示小朋友小心唔好觸碰蚊香。
由於放電十足所以大家都好肚餓，期待嘅晚餐「濟州島直送黑毛豬韓式燒烤餐」首先端上一盒九格嘅前菜，好.精.緻 呀！接下來燒烤爐及肉類送上。一盒有七種唔同嘅肉，除咗黑毛豬外，仲有牛肉及雞肉。2大1小份量剛剛好。
韓燒完後，再有生果拼盤，包裝一樣好精美。
我哋自己有額外帶咗一支水、茶及椰青水，有免費雪櫃冷藏。仲專登帶咗棉花糖，因為海豚妹最期待露營燒棉花糖，哈哈！
最開心係用餐後有專人收拾、清洗，所以可以盡情享受露營嘅每一分鐘。
食完之後我哋去戶外兒童影院：
小朋友最開心係一邊睇一邊食Popcorn！
之後再去沖涼睇下星星就瞓覺啦。
講吓營內設施：
帳篷內有冷氣、床墊。
營地有提供酒店級毛巾、沐浴露、洗髮水、兒童沐浴露、拖鞋（我自己都帶咗沙灘拖去，方便出去玩同散步）
營地洗手間及淋浴間，見到有兩邊，每邊有兩個淋浴間及兩個洗手間，都好乾淨，我哋去嘅時候每次去都唔需要等。沖完涼之後亦有風筒。
有一個小廚房可以洗嘢同清潔
有幾張枱同BBQ位，晚上鍾意嘅話就可以係度一齊玩營火。
到早上我大約6am 自然醒，行出去草地呼吸清新空氣，實在太舒服啦，休息到7am 左右我再去瞓返到9am 食早餐。
早餐又係非常豐富：
慢慢享用完早餐再收拾check out， 我哋將行李寄存喺營地，出發去「流水響」！雖然未入秋，未見到落羽松紅葉盛放，亦因為天氣未見到天空之鏡，但係同海豚妹行下山路影下相都好開心。
Tips:：
- 帳篷裏面，係冇濕電供應，所以大家帶定尿袋，不過如果冇帶，場地都可以租尿袋。
- 記得帶五百蚊現金作為按金之用
- 營地會提供即棄拖鞋，但係建議自己帶戶外拖鞋會舒服啲。
-每營歡迎攜帶一隻小型寵物入住
公共交通工具：前往粉嶺港鐵站再轉乘52B小巴直達營地正門
- 自駕前往：於八仙嶺郊野公園分叉路口，轉入鶴藪水塘方向，經過鶴藪水塘燒烤區，營地門口就在左前方。車程 - 從尖沙咀前往大概45分鐘；從銅鑼灣經東隧前往大概45分鐘；從元朗前往大概35分鐘
離開營地路線，需要行前D於呢度坐小巴返粉嶺港鐵站：https://maps.app.goo.gl/sgMeYp73gjBxQJii8?g_st=iw
我哋遇到行人教路要喺呢個位等小巴，我如果唔係好大機會上唔到車：
整體嚟講，整個旅程有5星級餐飲及完飲配套， 絕對係舒舒服服體驗親子露營嘅快樂！有興趣嘅話就唔好錯過今年秋天，去Klook 了解更多及報名啦：https://bit.ly/3BcPInQ
我的Instagram 另有今次Glamping影片：https://www.instagram.com/p/CihscNAhZSV/
喜歡我哋嘅分享請follow 我哋~~~
大家也來一起交流一下，留言或私訊我也可！
DolphinB的 Facebook：https://www.facebook.com/dolphin.bluesky/
關於DolphinB：
喜歡海豚的DolphinB媽媽，幼兒教育一級榮譽畢業，以每人都「值得擁有」夢想的幸福生活態度而前進，喜歡分享生活點滴～曾做過：幼稚園老師、網絡平台編輯及公關，髮型用品代言人、現職全職媽媽及Freelance digital marketer。
DolphinB的email：cloudy_bluesky@yahoo.com.hk
instagram：DOLPHINBLUESKY
You can also find me in:
【Blogspot】【WeShare】【Ztyle】【BE】
訂閱：
文章 (Atom)